8 مبادئ بسيطة تصنع شخصية عظيمة

كتبت بشري حبيب

8مبادئ بسيطة تصنع شخصية عظيمة

الشعور بالإنتماء والتأثير واحد من اهم الاهداف الانسانية وكان المبدأ الاساسى لنظرية التربية الايجابية لـ “الفريد ادلر”

اشتغلت جين نيلسن على هذه النظرية  وطورتها وكانت فعلا دليل مهم جدا للاباء والمعلمين والمربين فى جميع انحاء العالم

ذلك طبعا لأن التربية الايجابية بتهتم بعدة مهارات منها

الفاعلية فى العلاقات

التأثير فى الحياة

الانضباط الذاتى

القدرة على التحكم فى النفس

فهم المشاعر الشخصية

وكل ماينمى المشاعر الايجابية للطفل

ايه هى بقى المبادئ ال 8

المبدأ الخامس   فهم الاعتقاد خلف السلوك

خلينا نتفق ان اى سلوك واضح وظاهر الطفل بيعمله خصوصاً السلوكيات السيئة

بتكون بسبب وجود افكار داخلية ساكنة جوة الطفل والافكار هى المسئولة عن هذا السلوك

فتلاقى الطفل مثلا بيدى رد فعل غاضب دايما فحضرتك بتفسر ذلك على انه انتقام

لكن ده مش حقيقى  لأن ردة فعل الطفل دى بسبب احساسه بالاحباط

حضرتك بتنتقده دايما ف بيلجأ لاظهار قوة شخصيته بالغضب والعنف

علشان يدارى وراها شخصيته الحقيقية الهشة الضعيفة المفتقدة للامان

ساعد طفلك انه يتغير … غيّر معتقداته وافكاره اولاً واوتوماتيك هتلاقى سلوكياته اتغيرت

حضرتك محتاج تختار الحلول الفعالة على المدى البعيد دى اللى هتغير سلوكيات الطفل الخاطئة وهيستبدلها بسلوكيات افضل

ازاى يعنى ؟ زى ماقلنا فوق ان الغضب سلوك سلبى الطفل بيعمله لانه حاسس بالاحباط .

قدام حضرتك اختيارين

الاول ودا الحل القريب انك تديه اللى هو عاوزه او ترشيه يعنى لحد ما يهدى ويسكت

وساعتها السلوك دا هيتكرر ويتكرر علشان يفضل يحقق مكاسب اكتر وياخد اكتر

اوالحل التانى انك تقر بمشاعره ورغبته فى الفعل

لكنك مش هتستجيب له لحد ما يهدى خالص او لحد ما تتغير الظروف

بكدا هيتعلم الطفل ازاى يسيطر على رغباته وازاى يهدى نفسه بنفسه …