مـادام يـنبت سـنابل قمح وجه أمي

شعر / سليمان المانع 

مـادام يـنبت سـنابل قمح وجه أمي ”
مـايوصل الـجوع لوحاول لوجداني

والـلي يـبيها.. حرام ان قلت ياعمي
لاضرب رصاصه بعيني واقطع لساني

ذا شـعري الـلي تـشوفونه وذا دمي
مـن مـنهم اللي يشرب نكهة الثاني؟

تـظلم وأغـني بسرب أقمار من فمي
عـاهدت أنـا الناي والراعي وغنّاني

أحـيان اسمي وبعض أحيان مااسمي
خـاف الـشياطين في عمري تبلاني

كـم واحـد لاك(قـبل معاشري)ذمي
ولانـي مـوصي على قاصي ولاداني

لي دربي الخاص لي فكري ولي همي
لـي ذكرياتي لي أحلامي لي أحزاني

ومـازال يـشرب رياح عنادهم كمي
والله لاحـلق واحـلق وارسـم الواني

مـاقدامك غـبار يـاخيل أولي شمي
بـور الـقصايد وغني لي عن الجاني

مـانيب مـسبوق لي سفني ولي يمي
والـناس مـثلي وانا مااقول وحداني