admin 
…..مربعات فن الواو من ديوان……
………..( واااااو وليد )………..
يا دنيا عيشتك وخيمة
بتعلى ليه في اللى جايف
دا الحر قاعد فى خيمة
و الندل قاد النجايف
إسعى و كل فى النجيلة
يا وِلد ثبت جدورك
ما تلاقى شيلتك تقيلة
لو يوم و فجأة جا دورك
ياللى شبهت الحدادي
م الوحل شيلتك و جبتك
إزاي لقلبك ح ادادي
و أحط إيدي فى جيبتك
الطير بيسعى يا صاحبى
جابر أنين الحواصل
حتى و لو كنت باحبي
لكن بقلبى ح اواصل
قلبي فى حبك و هايم
تلميذ و قاعد فى فصله
أتاريني عشت ف وهايم
و بقسوة رحت انت فاصله
يابت خَبِّي الشفايف
داري جمالك وعَدي
ماعدت م السحر شايف
رُصِّي الضحايا وعِدِّي
كل الحبايب جافوني
ولا حد مرة جا زارني
حتي اللي شلته بجفوني
جا بحد سيفه جزرني
يادنيا خفي اللطايش
في القلب سابت علامة
حقك تصيبى اللي طايش
أما اللي حبك على ما ؟
دمي كحبر الدوايه
بالعلة عايش فدائي
هاصنع بإيدي دوايا
ياللي فرحتوا في دائي
زان الأماكن وجوده
أسمر و زاينه كماله
أغرق في حُبُّه و جوده
يقسم و ليا كما .. له
الشاعر عماد فتحي و٤٦ شخصًا آخر
٢٥ تعليقًا
أعجبني
تعليق
مشاركة
