لما مات بانت خيانته

ليلى صلاح أمين

عمرىمااتخيلت انك

يوم هتبقى بجد خاين
كل لحظة وحلم منك
كان خداع ..ومكانش باين
،،،،،،،،،،،،،
والحقيقة تبان واعرف
واكتشف حاجات كتير
انى كنت بصون وبوصف
حد كان كدااب كبير
حد كان ملاك فى عينى
كان بحرف بيحتوينى
كان خيالى وكان يقينى
سيبت كل مشاعرى عنده
قلبى روحى معاه رهاين
،،،،،،،،،،،،،،،،
بس الومه ازاى وفين
عالخداع وعالخيانة
عن حنانى له سنين
عن دموع الاستهانة
دعوتى له ليل نهار
لما سابنى وعقلى طار
والفراق مكانش قصده
وقلبى بعده عاشله صاين
،،،،،،،،،،،،،
كان بيعرف واحدة غيرى
خبى حبه وعاش واهمنى
كنت فاكرة انه طيرى
وانه عمره مايوم ظلمنى
واكتشف بعد اما مات
انه عاشق وفى سكات
انه خانى بالساعات
كان يمثل انه صاين
،،،،،،،،،،،،،
قالو سامحيه واغفريله
واذكري محاسن عملها
هو يعنى مش ملاك
خلى روحه تعيش آمانها
قولت لاء والف لاء
مش هاسمحه فى حق قلبى
هولما قلبه دق…؟!
حب غيرى كان ده ذنبى
مش هاسامحه عالدموع
عالبكا والخضوع
واعتقادى انه ملاك
قلبى ياما حلف وراهن
،،،،،،،،،،،،،،،،،،،
ده كلام وخيال لشاعر
صاحبتى عاشت حقيقته
اما انا لو عالمشاعر
اللى راح عندى خسرته
عمر قلبه ماكان لغيرى
كنت روحه وكان ضميرى
حزنى على لحظة وداعه
قلبى عمرى ف يوم ماباعه
دمعى عينى عليه يوماتى
دعوتى له كل لحظة
عاش ومات ولحبى صاين
الملاااااك ميكونش خاين