فطريات الكانديدا

كتب : دكتور هشام محمد علي استشاري التغذية العلاجية والطب التكميلي والنباتات الطبية

علمياً معناها : نوع من الخمائر يعيش في الأغشية المخاطية عند الكثير من الأشخاص ، قابلة للنمو والتسبب في الأمراض ..

بالعامية بقى دي إيه وسببها إيه ؟

فطريات بتظهر في أماكن كتير في جسمك ، بتظهر على شكل الألتهاب في الفم واللسان يكون لونه أبيض وفيه بقع ..

وألتهابات في المهبل وفي البروستاتا .. وحكة في المستقيم .. وإمساك أو إسهال .. إنسداد الجيوب الأنفية ..

صداع ورائحة فم كريهة وحرقان معدة وألتهاب قولون ..

يعني الكانديدا مش فطريات جلدية فقط زي ما سمعت من كذا حد قبل كدة ..

للأسف هي بتيجي بسبب المضادات الحيوية عمال على بطال من غير إستشارة طبيب

غير جارك اللي قالك أيوة أنا جالي دور البرد دة وخدتله مضاد حيوي خفيت في ٣ دقايق ،

عشان المضادات الحيوية بتقتل البكتيريا النافعة في الأمعاء ..

كم الكربوهيدرات والسكريات اللي بتاكلها من غير حساب دي كارثة ..

أمراض المناعة الذاتية وضعف جهاز المناعة في العموم كمان سبب ..

لو الأعراض دي ظهرتلك وعايز تتأكد أعمل تحاليل دم وبراز عشان تعرف الأجسام المضادة لو مرتفعة يبقى كانديدا ..

أبعد عن اللحوم / الحليب / السكر / المعجنات / الخضراوات النشوية زي : البطاطس ، الذرة ، الشمندر ، البازلاء ،

الحبوب / والفواكهة  التمر ، العنب ، المانجا / القمح ، الشعير ..

لازم تعالجها ، لازم تهتم بيها ، مزعجة شكلاً ومضموناً ، ،، متعبة جداً وكل ما تسرع علاجها كل ما هيكون في صالحك ..