ضى القمر

سحر مصطفى 

باسهر يوماتى استنى القمر
يجبلى رسألة من عند الحبيب
فاتنى لوحدى أعانى السهر
وعايشه حياتى زى الغريب
ضى القمر جانى وقالى
حبيبك باعتلك مليون سلام
وجوه جوابه اجمل كلام
عايش فى غربة يعانى الغرام
ونفسه يشوفك فى حضنك ينام
عشت فى سعادة وفرحة وهيام.
وبدأت أغزل توب الفرح
أغزل بحبى كل الطرح
ومرت ليالى وراها ليالى.
لا رحت لحبيبى و لا هو جالى
أتارينى باحلم بضى القمر
لا جاتنى رسالة ولا حتى خبر
رجعت اسهر استنى القمر
يمكن يجبلى عنه خبر
وجانى الخبر يقول حبيبك عامل عريس
وهو أنانى وندل وخسيس
باعك يا غالية بأرخص ثمن
فوقى بقى وشوفى الزمن
وأدى الدنيا لا فيها مؤمن ولا مؤتمن
وعجبى عليك يا أرخص زمن