admin 
شعر : ليلى صلاح – مصر
احتفالنا انا وحبيبى
وبنوتاتى
والسعادة كانت كبيرة
كنت مبسوطة بحياتى
قولنا عام سعيد جديد
خالى من أحزان وهم
واننا مع بعض دايما
ياحبيبى ده الأهم
وابتسم وعنيه حزينة
قالى اتمنى الحياه
تبقى حلوة ويبقى بيتنا
والفرح يملانا سنينا
والدموع تكون نسيتنا
رغم انى جوة قلبى
خوف مالينى
السنة دى تكون نهايتى
وتنتهى احلام سنينى
قولتله حرام عليك
خلينا نفرح
انت لازم كل لحظة تكون
جميلة تفتكر حاجات بتجرح
عدى يومنا باحتفاله
وامنياتناعام سعيد
للأسف ماكانش
واتولد حزنى الجديد
ودع الدنيا وسابنا
سابنا ليه ياعام جديد
قلبه كان حاسس بجد
كان كلامه كله جد
قال دا آخر عام معاكو
واحلى عمر يروح فداكو
انتو اغلى حاجة عندى
قلبى مليان شوق وود
زى النهاردة ياحبيبى
فاكرة كل حاجة كانت
فاكرة كل لحظة يومها
وذكريات جوانا عاشت
والنهاردة دموعى سالت
لمابصينا لمكانك
اللى فاضى
وابتسامتك جوة صورة
لما كنت سعيد وراضى
قولنا فعلا عدى عام
وسط زحمة من الآلام
ألف رحمة عليك حبيبى
نور صفا جنة وسلام
والنهاردة اهوأى عاااااام
زى غيره.
