بصحي أقتلك!

صابرين عاشور ___اسكندرية 

بصحي أقتلك!

أنا مستعدة أخلع ف توبي
وأسرد حكايتك أخليك بواقي..
وتبقي عبرة للجميع وأكبر ذنوبي ..
واكتبك شعر ناقص قوافي..
أفرد في شعري وأضفرك ..
أنزف من حبر دمي وأزم فيك..
أقص إسمك من الوجود ويتبقي
منك حوافي..
لكن مقامي يمنعني أنزل لبيرك..
بعتني بعد المحبه روح ياسيدي
كتر الف خيرك ..
انا بكرة جايز أعشق قلب تاني غيرك..
بس والله ماهتشوف حد زي
كان يحبك رغم إنعدام ضميرك

فاكر لما قولت إحضنيني ؟؟!
وأوعي تخافي؟؟!
عمري جالك جري وماشي
حافي..
قلبي كان سقعان ماصدق
وأنت كان طبعك خلافي..
سيبت جسمي سقعان..
وجسمك مني كله دافي..

تعرفوه؟؟!
شخص يظهر من بعيد غلبان
جاي عليه كل الزمان..
بس لما قربت أقرب شوفت
عقرب جواه سم..
عينه فيها شر وإثم واضح
طبعه كان باين وظاهر
وفي عيوني ملاك وطاهر..
أسجنه بين ضلوعي يتمشي
فيها يسمني يضحك بوشي
ويقولهم عمره مرة ما حبني!!
تصدق ب اللي خلق الكون
وخلي القلب شافك..
انا بحضنك كل يوم في
حلمي وأصحي اعاتب
نفسي وأقتلك؛؛
بحضنك في حلمي وأصحي
من نومي أقتلك