العلاقة الأسرية هى سبب المرض النفسى

كتبت : بشري حبيب

اغلب الأهالى بتنسى وقت الغضب ان فى اطفال موجودين

غير مدركين الوضع الراهن ليهم .. الطفل كل ما يشوف النزاعات المستمرة بين والديه  وإهمالهم ليه وانشغالهم الأكبر بيكون بالخلافات ،

بيبدأ يتكون عنده مشاعر سلبيه نتيجة تعرضه للخلافات المستمرة ( العنف الأسرى)

فالمشاعر السلبيه دى بتبدأ تزيد عند الطفل ، فيبدأ الطفل أنه يكون ضعيف فى الدراسه وفى التفاعل الاجتماعى

(وده بيكون افضل النتائج) ولكن ..

فى اطفال مبيكونش عندها صلابه نفسية عاليه بتكون هشّة ومبنيه على أساس ضعيف بسبب تجاهل الأهل لنفسية الطفل

فبيكون أكثر عرضة للمرض النفسى فى سن صغير ..

مع ارتفاع معدلات الطلاق  بنلاقى ارتفاع فى نسبه الاكتئاب عند الاطفال وميلهم للعزلة والانطوائية فى سن صغير جدا

فى نفس الوقت  الطفل ده ممكن يكون شخص عدوانى جدا لو اتعامل مع زملاءه .. وده طبعا بخلاف تشتت الطفل بين الاب والام وكل واحد فيهم بيحاول يزرع  سلوكيات مختلفة فى الطفل  .. وفى الغالب الطفل ده بيتشكل عنده امراض سلوكيه زى الكذب والعناد واضطرابات سلوكيه اخرى

فالزواج الفاشل بينتج عنه مريض نفسى ..