استخدام التمر للحصول على بشرة نظيفة ونضره وخاليه من العيوب

كتبت : دينا اشرف خبيرة التجميل

عزيزتى حواء عند استخدامك التمر كماسك ستجدين بإنه عنده القدرة فى تنظيف البشرة ويجددها ويصلحها تماما من اي عيوب وشوائب,

التمر مغذي ومفيد جدا للبشرة والشعر, مجرد شرب بس كوباية من عصير التمر هيغذي بشرتك ويضيف لها توهج ونضارة,

من خلال موضوعنا هنقولك طرق استخدام التمر للبشرة وازاي تدخليه في الوصفات الطبيعية.

🔸وصفة التمر واللبن

المكونات:

½ كوباية لبن كامل الدسم.

2 – 3 تمرات.

½ كوباية دقيق سميد “سيمولينا”.

طريقة التحضير والاستخدام:

سخني اللبن, وبعدين ضيفي له التمر بعد غسله كويس واخراج النواه بتاعته.

سيبيه يبرد وبعدين اهرسي التمر كويس بالمعلقة او ممكن تضربيه في الخلاط.

ضيفي دقيق السميد بالتدريج لحد ما تتكون عندك عجينة سميكة.

خدي من العجينة دلكيها على بشرتك في حركات دائرية لمدة 5 دقايق, وبعدين سيبيها لحد ما تنشف.

اغسلي بشرتك بالمية.

التمر غني بالعناصر المغذية والفعالة جدا اللي بتساعد على علاج البشرة التالفة,

وكمان بيساعد على الحصول على بشرة نضرة وخالية من اي عيوب.

 وصفة التمر والعسل

المكونات:

3 – 4 تمرات.

2 معلقة صغيرة عسل.

طريقة التحضير والاستخدام:

اغسلي التمر كويس وطلعي منه النواه بتاعته, واهرسيه ناعم بالمعلقة.

ضيفي العسل للتمر وقلبيهم مع بعض كويس.

ضيفي الخليط على بشرتك وسيبيه من 20 – 30 دقيقة.

اغسلي بشرتك بالمية.

التمر بيحتوي على فيتامين B, C, اللي بتساعد على تحسين مرونة الجلد وبيقلل من التجاعيد

ويعتبر عامل مضاد للشيخوخة وبيرجع للبشرة نضارتها,

ومن ناحية تانية العسل بيحتوي على خصائص مطهرة للبشرة بشكل طبيعي.

 وصفة التمر والليمون

المكونات

5 – 6 تمرات.

لبن.

1 معلقة كبيرة كريمة او زبادي.

1 معلقة صغيرة عصير ليمون.

طريقة التحضير والاستخدام:

اغسلي التمر وطلعي منه النواه, وانقعيه في شوية لبن طول الليل.

تاني يوم ضيفي للتمر الكريمة او الزبادي واضربيهم مع بعض في الخلاط لحد ما يتكون عندك معجون.

ضيفي للمعجون ده عصير الليمون واخلطيه كويس.

حطي الخليط على البشرة والرقبة ودلكية لمدة 20 دقيقة.

بعدها اغسلي بشرتك بمية دافية.

التمر ممتاز جدا لعلاج البشرة الجافة, والخليط ده بيساعد على ترطيب البشرة,

وعصير الليمون بيساعد على تطهير وتقشير البشرة.

وصفة التمر والبرتقال

المكونات:

7 – 8 تمرات.

½ ثمرة برتقان.

طريقة التحضير والاستخدام:

طلعي النواه من التمر, ضيفي لها ½ ثمرة البرتقان بالقشر بتاعها واضربيهم مع بعض في الخلاط لحد ما تتكون عجينة سميكة.

دلكي بشرتك بالخليط في حركات دائرية خفيفة لمدة من 5 – 10 دقايق, وبعدها اغسليه بالمية.

الماسك ده بيساعد على تنعيم البشرة جدا, وبيفتحها وبيزيل كل الجلد الجاف وخلايا الجلد الميتة من الوش.