“شيماء سيف” تعتذر للجمهور المغربي بسبب رد فعلها عن أزمة تامر حسنى وبسمة بوسيل

 متابعة : طارق فتحى السعدنى

شن الجمهور المغربي، هجوم عنيف على الفنانة الشابة شيماء سيف ، بسبب رد فعلها على أزمة تامر حسنى وزوجته بسمة بوسيل
بعدما نشرت صورة ساخرة شهيرة للفنانة فيفي عبده، وعلقت قائلة: “قومي يا بت سيبي له البيت، واطلبي الطلاق عشان يقولك بحبك يا متهورة”.

وخرجت شيماء سيف لتوضح موقفها ، وقامت بتعديل المنشور، وكتبت: “تعديل مخصوص للشعب المغربي الغالي”.
وتابعت:” أنا بحب تامر جدا وبحب بسمة جدا واتبسطت وفرحتلهم إنهم رجعوا، وعشان عجبني رد  تامر الرومانسي، كتبت البوست ده”.
وأضافت” قال يعني لما هقول كده جوزي هيدلعني زى ما تامر دلع بسمة ويقولي بحبك يا متهورة وهذا المقصود ربنا يفرحهم ويسعدهم ويحفظهم لولادهم وتحياتي للشعب المغربي الغالي”.

والجدير بالذكر أن تامر حسني فى وقت سابق قد  كتب رسالة لزوجته رداً على تصريحها بانفصالهما قائلاً:” بسمة حببتي للأسف انتي مفكرتيش كويس و سلمتي ودنك لشر السوشيال  ميديا عشان كان تعليق كلامهم فارغ نسوكي انك عرفتيني وانا مشهور ودي طبيعة شغلي اللي عرفتيني عليها وحبيبتني بيها، أزاي وصلوكي للزعل والبعد فترة”.

تامر حسنى وبسمة بوسيل

وتابع الفنان المصرى :” المهم انا مش هزعل منك ولا يرضيني زعلك انتي حبيبتي و ام ولادي .. انا ضهرك وسندك مهما حصل، بس اللي عايز اقوله لعل نكون سبب خير في توعية ناس كتير”.
واستكمل حديثه قائلا : رسالته :”ليه لما اي حد بيزعل من حد بيطلع يكتب عليه في السوشيال ميدي طب حتي يكلمه الاول ايه علاقة الناس بعلاقة شخصية بين اتنين ممكن تتحل في التليفون او في زيارة رحيمة ما بينهم وياريتها مشكلة اصلا”.
مصيفا ربنا جعل ما بينا مودة ورحمة عشان كدا للأسف انتي عرفى ان في ناس في طبيعتهم حب خراب البيوت ومش هنخلص منهم بس انتي اللي هتهلصي من فكرة انك تسمعيهم”.
واختتم حديثه :” ياريتك تركزي مع طاقة الناس اللي دعولنا ودعوا لولادنا وفعلا انا بشكر كل الناس والفنانين اللى سعوا في الخير لينا.. متهورة بس بحبك”.