المساواه في التربيه عدل طبيعى

كتبت : بشري محمد حبيب

من المبادئ اللي الجميع متفق عليها أن التربية هي أساس كل شيء.

طريقة التربية اللي بنتبعها مع أطفالنا من الصغر هي اللي بتبني داخلهم مبادىء وقيم وأسس.

لو طريقة التربية سليمة الأطفال بيكبروا وهي معاها قاموس ودليل سليم يقدروا يمشوا عليه.

لو طريقة التربية خاطئة وفيها أشكال كتير من التفرقة الأطفال فاهمين أن ده الصح ومبيقدروش يغيروا أفكارهم –

غالباً – لان ده اللي إتزرع فيهم وفي أفكارهم.

عشان كده من المهم جداً لأي أب وأم أنهم ينتقوا القيم اللي شايفين أنها هتفيد أولادهم دلوقتي وفي المستقبل.

من ضمن المبادئ– عدم التمييز بين الولد والبنت؛

عدم النظر لخلفة الولد أنها النعمة الأفضل من عند ربنا زي ما بيعمل المعظم ؛

وعدم تربية الولد أنه في مكانه أعلى من البنت؛

 وعدم تربية البنت أنها كائن من المفترض أنها تفضل تخدم أخوها.

طيب هل ده نقدر نزرعه في أطفالنا من وهما صغيرين ؟

أه طبعاً.

الطفل من سن سنة يقدر يفهم الأوامر ويقدر يشاركك بحاجات بسيطة ” مش لازم ينفذ الأمر كله ولكنه بيقدر يفهم كلماتك

ويقدر ينفذ منها حاجات بمساعدتك خصوصاً لو بدا له الموضوع كمشاركة مش أمر “

زي أنه يلم اللعب بتاعته بتوجيه ومساعدة.

يقدر يشيل طبقه ويسيبه في المكان اللي بتحدديه

وكل ما السن بيزيد الأمر بيزيد خطوة.

لغاية ما الولد او البنت بيوصلوا لسن يقدروا فيه يستقلوا ب ذاتهم.

يقدروا يحضروا لنفسهم أكل.

كمان يقدروا يفرزوا ما بين هدومهم الغير نضيفة والهدوم النضيفة.

فوق كل ده هما يقدروا يقوموا بعمل كامل بمفردهم.

ده بينمي جواهم مبدأ الأستقلال وان الولد او البنت يقدروا يعملوا حاجة لنفسهم.

وده هينعكس عليهم في الكبر.

ومش هنشوف تفرقة لما يكون الاخ ٢٥ سنة والاخت قده

بس بيطلب منها طلبات مهولة هو يقدر يعملها لكنه ماتعودش يعملها.

لو اهتمينا بتربية اطفالنا أو اخواتنا وحرصنا على مشاركتهم في أعمال البيت.

أكيد هنلاقي في الكبر نماذج كتير مشرفة فاهمة قيمة الإنسان الأخر