أمي بتعيد بعيد

شعر : منى حواس – مصر

وإنْ يسألوك ع الحزن قول

بكرة عيد الأم وأمي

مش معايا

والحكاية في كلمتين:

” أمي ماتت “

للسما طلعت وفاتت

روحي بتجُر في خُطاها

والخطاوي تقيلة جداَ

أمي فعلاً كات حياتي

وأما فارقت هلّ وجعي

هيّ كانت أوّلي ودلوقتي بادعي

إن آخري يكون معاها

وإني لما ابعت جوابي يكون بيوصل

نفسي تعرف إنّي بسأل

ربنّا عنها تملّي

وإنْ لما الحزن مالْ لي

ومال عليّا

هيّ بعتت ليّا روحها بشوق تقول لي:

اهتدي بالله وحاسبي أنْ تضلّي

إيه فاضل لي يا أمي بعدِك ؟

ماشية باتعكّز بضلّي !!

ماشية باتدارى في نفسي

جنب حيطة عليها صورتِك

عايشة باتونِّس بسيرتِك

أي مكسب ييجي بعدِك

عمره ما يعوض خسارتِك !!!