حروف دافية

شعر احمد أبو سنة – مصرى مقيم  بالسعودية 
ــــــــــــــــــــــــــــ

و أنا وإنتي رياح عافية

بتعصفنا الحروف لما

تكون دافية

وتمشيني

وامشيكي

تحسيني

أموت فيكي

وننسى إن رجلينا أنا وإنتي

كانت حافية

وأرواحنا بتتعانق

وهى من زمان جافيه

وحرفي وحرفك الكلمة

نطبطب بيها ع المرضان

يقوم صاحي

عشان شافية

* * * * * * *

وأنا وإنتي كيان واحد

جسد واحد

بتفرقنا حاجات هايفة

ولما بكتبك حالة

ولما برسمك هالة

بكل وضوح

بكون مفضوح

عشان عارف

عشان عارفك كمان

عارفة

ولما تسكت النقطه

من السن اللى داب يكتب

بكون شايفك

وعارف انك انتى اكيد

كمان شايفه
* * * * * * **
وأنا وإنتي رياح ساكته

حروف أنهار سكوت راكدة

تعالى نرمي فيها الطوب

ونتأكد

ومش راح أخاف

فليه … خايفة ؟