بدون إنذار

بدون إنذار

نورا يحى 

رجعلي وقالي وحشاني

ملامحك لسّه وخداني

ك ليل بيعاكس النسمة

ف أحضان السما الاولى

عيونك نبتة عطشانة

ل صبح فارقها من مدّة

برغم فروعها مبْلُولة

رجع بيقولي يا جميلة

ماكنتش ناوي ع الغيبة

وياما بعتّ ليكي سلام

وحلّفت القمر ما ينام

غير وإيديه على كتافك

مفيش شئ ف الوجود شافك

إلا اتمنى ليكي الخير

رجع بيقولي من بكره

هنبني ع النجوم بيتنا

وهرسم ف الفضا صورتك

براح الكون يكون شطّك

وتنهيدتك تكون مُوجُه

رجع يحكيلي عن شوقه

عن الدنيا اللي عايش

 فيها بردو غريب

برغم الأهل واللمّة

عن الضمّة 

لبنت عنيها لون عيني

رجع بيقولي سامحيني

خانتني عنيه كام لحظة

عشان تاهت بعيد عنك

وراحت للقمر تحلِف

مفيش ف الجنة حور غيرك

رجع وكأنّنا لسّه

جُداد ع الدنيا من فترة

مخدناش فيها ولا حصة

ولا لمحت قلوبنا دموع

رجع بيقولي يلا رجوع

عشان نلحق نعيد العمر م الاوِل

وقبل ما يبتدي يكمّل