(مستنى منى الرد؟!)

بقلم : الشاعرة ليلى صلاح امين

مستنى منى الرد

وسايبنى وسط صراع

مابين دموع البعد

وصدمتى ف الخداع

ايوة المسامح كريم

بس ايه بعدين..؟!

فقد الثقة شئ عظيم

هياخدنى وياه لفين

وازاى هاصدق وآمن

وايه هيبقى الضامن

على صدق كل كلامك

وانا رافضة منك دفاع

قلبى اللى سلم لقلبك

غمض عنيه وياك

حس الامان رغم بعدك

اقسم بانك ملاك

ومجاش فى باله يفوق

ومن قساوتك يدوق

وجع يهدالامال

ومايحملوش مخلوق

وحلم فى دقيقة ضاع

مستنى ايه بالظبط

افكارى متلغبطة

غريق طريح عالشط

بردان ورافض الغطا

محروق وجواه سيول

ومش بايده اختيار

وحلو مليان مرار

مركب بدون مجداف

وعايمة من غير شراع

خلينا كدة زى مااحنا

لا نمشى ولا نرجع

متأقلمين عالمحنة

معادش شئ ينفع

اللى انكسر مش سهل

مش لاقية فعلا حل

والقلب لو هيذل

يبقى الضرورى الوداع

ثابتة على موقفى

رافضة قوى الإقناع