admin 
شعر: أيمن عبده
عابر سبيل والدنيا كالرّٓهوان
إوعاك تعيش العمر مش إنسان
سيب المراكب تحت راية النور
دا كل من فوق المراكب فان
——–
خلِّي الكلام الحلو بالقنطار
وامشي الخطاوي الباقية بالأمتار
طيّٓر بواقي الحلم فوق الروس
ح تكون لوحدك لو تهد الجار
عابر وسايب يشبهك متساب
داخل مداخل بس من غير باب
غير بس غيمة بتخطفك م الغيم
تشبه لواحد قلبه حٓب وشاب
دفتر حكاوي العمر كلّٓه انهار
حتى الجراب الخاوي منّٓك طار
فبلاش تشاور ع اللي صوته بعيد
مش كل غيمة بتحتوي الأمطار
ولا كل زرع تشوفه نازل طرح
يمكن حصاد العمر كاوي الجرح
فتشوف سراب اللحن بيغنٌِيك
فاقدة المسائل ليه قانون الشّٓرح!!
——
فاقد مخارج مفردات الليل
عابر سبيل الوادي حادف ميل
هربانه ريحك تحدفك للريح
مسكين حتمشي في اتجاه السيل.
