بتسأل ليه .

سيف الدين —مصر 

بتسأل ليه .. 

أكيد أحوالي من بعدك ناقصني حاجات

وبرسم ضحكة للعايشين و انا واحد من الأموات

و بسأل روحي ف غيابك

 و ف الآخر مفيش إجابات

مكنتش ليه حبيب عادي

عديم البصمة و التأثير

لا كان قلبي ح يتألم

ولا منك عليك ح يغير

ياريتك زى كل الناس

غيابك عادي مش فارق

وكنت حٓموٌٍت الإحساس

و اقول عنك حبيب سابق

بتسأل ليه ..

بتسأل و انت متأكد بأنك غير

و ان حياتي في غيابك ناقصها كتير

و إني بعيش على الماضي

ولا غيرك حبيب ح اقبل

مليش حاضر افكر فيه

ولا مستني مستقبل

و عندك حق ف ظنونك

منا عاشقك و مجنونك 

ما دام قلبي عبيط و أهبل !!