admin 
شعر عامية :ليلى صلاح – مصر
بيحسدونى على حبك
ويقولو ا مالكة احساسك
ميعرفوش ان انا قلبك
وحياتى دى من انفاسك
عملالها ايه مشتاقة ليكى
وتملى شاغلة تفكيرها
دايما بتسألنا عليكى
ونقول مافيش ابدا غيرها
تقول اكيد كلكوا واحد
وربنا طبعا شاهد
لكن دى عايشة بين غربة
صابرة وراضية بمصيرها
بيحسدونى ومش عارفين
ان انتى روحى وضى العين
واللحظة جنبك تسوى سنين
مشاعرنا مين هيفسرها
انا اللى عاشقة تراب ارضك
ومهما اكون الروح عندك
بتطوف وتحرس فى عنيكى
اموت ومااتحمل بعدك
داكلام واحساس مشاعرنا
انا ليا حتة جواكى
دايما بتشغل افكارك
دايما فى بالك ومعاكى
ومخبياها فى اسرارك
ومهما هيقولو ا ياامى
يابانية بيتك ده فى دمى
وراسمة عمرى بنور عينك
ومخرجانى من همى
يعيشواويقولو ياغالية
انا بردو عايشة فى اوتارك
انفاسى تحرس وتسمى
تنطق تقول انا رووح أمى
