الشاعر / تركي الميزاني
وش رايكم ف اللي يعشينـي مـن وصـال الحمـي؟
ياحرفـي الـلـي ضــاع مابـيـن الدفـاتـر والـرفـوف
الـلـي رسمـتـه مــن تنهـاتـي ومــن حـبـر قـلـمـي
ضحيت لاجله في حروف وقمت لاجله في حروف
وصبـرت لـو النـار مـن فوقـي ومـن تحـت أقدمـي
ياصاحبـي ياللـي علـى شانـك تحـديـت الـظـروف
اسمـع كلامـي زيـن وافهـم وش اقولـه مـن فـمـي
ماهوب انا اللـي تتركـه بيـن الخناجـر والسيـوف
وتمـص دمـه بـيـن خـلـق الله يامـصـاص الـدمـي
انا بـدوي(ن) ماسكـن فالوقـت مسكـان الضعـوف
اتـبـع هــوى بـالـي واسـيّـر عـنـد ذودي وغنـمـي
صمتي يدل اني وفـي ومسـوي(ن) فيـك iمعـروف
وصبـري يـدل انـي مـن زحـول الصناديـد انتـمـي
ياقـوم ياللـي تذبحـون الحيـل قــدر(ن) للضـيـوف
وش رايكم ف اللي يعشينـي مـن وصـال الحمـي؟
وقفت له يوم اجلسو واجلستلـه نـاس(ن) وقـوف
غير الذخيـره والفشـق فـي محزمـه مـن محزمـي