admin 
شعر : أيمن عبده – مصر
يفتح أبواب الرزق لروحك لما يجيلك
يهديك مفتاح السر لجنّٓة تعيشها معاه
ويسيب تصريح في القلب بيسري
من أول بدايات الحب الطاهر جداً
حتى خطوط ملهاش نهايات في العشق الخالص
شئ ممتد لآخر شوقك
لو كان لك في الآخر شوق متحدد من أي اتجاهات
ينطق وانت بدورك بس تقول الله
أصل الحب دا خالص جداً
لما يكون لله ف لله
مش محتاج تفاصيل موضوع بتفكر فيه
ولا محتاج يسأل عن حالك عامل إيه
لما بتتعب فجأة تلاقي الفون بيرن
يبدأ يسحب من أوجاعك
من غير حتى ما تشعر إنه بيسحب فيك
ياخدك للحلم المتحني ف كف إيديك
تضحك روحك فيشوف روحك عايشه معاه
أصل الحب دا شئ لله
