admin 
حواديت من المطبخ وطرق تلميع الاستالنس من مكونات طبيعية بالمطبخ وآمنة على الصحة وقد تمت التجربة على براد محترق تماما
وبعد التجربة أصبح كأنه جديد تماما لشدة لمعانه .
تروى لنا الحدوتة ست بسيطة مصرية أم محمد
الطريقه مجربه على براد ستانلس ستيل
الحكايه بقى في البراد الستانلس اللي بيتحرق وبعد ما كان زي الفضه بيبقى زي الصفيح المصدي
البراد بتاعي النهارده بقى كان محروق لا وكمان مركون ومصدي وحالته بالبلا
المهم بقى قريت على وصفات كتير منها اريال وملح ليمون وكلور واللي يقول مفيش فايده اصلا
المهم بقى لقيت حاجه كده شدتني
ألا وهي
الــــــــكـــــــــركــــــــديـــــــــه
فقلت أنا حجرب طريقه الكركديه ده
وجبت البراد ومليته مايه وحطيت فيه حبه كركديه وغليته وطفيت وسيبتهم شويه وبعدين جبت طبق كبير غويط ودلقت المايه وحطيت
البراد فيه
لكن علشان برضه اشوف الافتكاسات حطيت نص البراد في المايه علشان اعرف الاختلاف
المهم بعد ساعتين دخلت كده ابص بصه وبرفع البراد لقيت فرق رهيييييييب
وبعدين جبت جردل كبير وحطيت فيه المايه والمره ده غطست البراد وكان جنبي الكلور قلت لما احط عليه شويه صغننين برضه اهم
يعملوا اي شغل
وسيبته لتاني يوم منقوع وتاني يوم يادوب طلعته ودعكته بالسلكه دعكه خفيفه وشطفته
