admin 
شعر : صباح حمدى – مصر
ألاقي الصبح بيضحكلي
ويندهلي
يطبطب بإيده علي كفي
ويحضن أملي ويقولي
هيتحقق …يطمني
وساعات أصحي أكون تايهة
لا لاقية الصبح ولا شايفة
وكأن الليل فضل سهران
أو إن الصبح نسي يصحي
وساعات الحلم يكون أجمل
وبترجاه لجل يطول
وكل جفوني ما يتباعدوا
أرجع أضمهم ..يمكن يكمل
وساعات يومي يصحيني
وبإيده يملس علي جبيني
يحلفلى ويوعدني
بانه هيكون يوم سعدي
وبأنه الاحلي والاجمل
وعلي دا الحال
ساعات وساعات
