مجالس العز

اليمين القاصرة بالمواقف وش تحوش

06/ يونيو /2021
avatar admin
203
0

الضمير الحي مع شوشة الطيب يشوش

يا ضميري غد الأفكار والا ّ عشها

جت لك الأفكار تزحف مثل زحف الجيوش

في ظلام الليل يوم الطيور بعشها

يكثر التفكير وادخل بغابات الوحوش

واتحمس وآخذ اعمامتي واطشها

وانفعل بالحيل وادعي على الخايب واهوش

واتراجع مار تبقى الكبود بغشها

الله اكبر كم قلبٍ من الوقت مغشوش

ذيك ماتمشي وهذي تغاض ومشها

المغفل شاف نفسه على شان القروش

وكم نفسٍ تنتفخ والزمان يفشها

اليمين القاصرة بالمواقف وش تحوش

غير كلمة واحدة والكلاب نهشها

تنقل الأخبار عبر الروادي والدشوش

استلم وجهة نظر والمعرفة حشها

دام لا يمىٍ ندية ولا وجهٍ بشوش

استفد لك فايدة دق الأرض ورشها

شعر / صالح الناصر

عن الكاتب : admin
عدد المقالات : 1094

اترك تعليقاً

لن يتم نشر عنوان بريدك الإلكتروني.