المبدع ” طلال حمزة ” … جده غير

جده غير ..

ايه احب القاهره…بيروت وكازا

بس جده ياخي غير….جده ياخي ذكريات 

ماضي وحاضر وآت…يكفي جده

انها شمس المدائن…وانها احلى البنات

جده ذي مثل الغرق..

لا…

جده مثل العوم

جده مدينه حايره

بين السهر والنوم

قريتها مره اف(كتاب)

مدري فقصيده(للبدر)

مدري فعيون احباب

جده ذي عشقي مزاجي

جده تفاصيل صغيره

جده ويل

جده قناديل وليل

جده مواويل وتراتيل وصهيل

جده مشوار طويل

جده فيها سحر بابل

واختصار الناس

وكل الناس

اف باب مكه أو فقابل

جده اول..

جده اخر..

جده امواج وبواخر

ماصعيب الاسهلها

واحلى مافيها اهلها

وجده غير

ايه احب القاهره..بيروت..وكازا

بس جده والله غير…!!