الفرق بين المهارات اللغوية والسلوك اللفظي Language skills Vs verbal behavior

المقصود  بالمهارات اللغوية : الاداء اللغوي سواء كان صوتي او غير صوتي و الذي يتميز بالدقة و السرعة و الكفاءة

و المقصود بالصوتي او غير صوتي مجموعة مهارات مثل نطق الاصوات و شكل و تركيب الجملة من الناحية النحوية

و المحتوى و مهارات القراءة و الكتابة التعبيرية و مهارات الاستماع و مهارات فهم اللغة .

اما  السلوك اللفظي . فهو المنظور الي تناول اللغة من الناحية السلوكية و على رأس الناس دي عالمنا الي مش عارفين من غيره كنا هنوصل لمفهوم السلوك اللفظي

 ازاي الدكتور سكينر B.F.Skinner … شاف ان اللغة ممكن نعلمها و نتعلمها زي اي سلوك ممكن نتعلمه في حياتنا يعني زي الاكل زي اللعب زي الحمام

و عشان نتعلم السلوك ده لازم نعرف هو بيتكون من ايه ….سكينر عرف اللغة على انها سلوك متعلم

يتم تعلمه تحت ظروف بيئيه معينة (antecedents &consequences) بتساعد الفرد على استمرار ممارسته

وحدد 4 سلوكيات اساسية بيتكون منها السلوك اللفظي

1 –  Echoic الترديد و المفهوم دة اكثر ارتباطا بالتقليد و المقصود به ترديد او تقليد الكلام المسموع و الاستجابه بتكون صوتية او شفهيه .

2-  mand الطلب طلب شئ معزز او شئ محتاجه و عاوز تحصل علية .أكل .شرب.لعبة .نشاط .

و مش ضرور يكون الطلب لفظي يعني مش لازم اتكلم عشان احصل علية يعني مثلا لما اخبط على الباب

و الباب يتفتح انا كدة عملت طلب بس بشكل غير لفظي .

 3-  tact التسمية و المقصود به تسمية الاشياء او الكلمات الي بيستخدمها الفرد للتعبير عن شئ شافه او سمعه او لمسه او شمه .

و غالبا بتلعب التلقائية هنا دور مهم جدا ….يعني لما الطفل يشوف بلونة ..يقول بلونة …مش لازم تسأله انت شايف ايه او ايه ده.

 4-  intraverbal المحادثة أو السلوكيات اللفظية أو إستخدام الألفاظ و هي الاجابه عن الاسئلة و إقامت حوار

و غالبا ما بيتم تعلمه في التفاعل الاجتماعي و أن الفرد يتبادل الحديث مع الغير .

الخلاصة أن السلوكيات اللفظية تتطلب وجود لغة إستقبالية جيدة

وبالتالى لغة تعبيرية جيدة ، وأنها الهدف الاساسى

الذى نسعى للوصول له سواء مع أطفال التوحد أو الأطفال المتأخرين لغويا .