الشادوتيتشر.. معلم الظل لأصحاب الهمم

كتبت : بشري حبيب استشاري الارشاد الاسري وتنمية المهارات

يأتي دور معلم الظل- والذي يطلق عليه أيضا (مدرس الدعم الشادوتيتشر  Shadow Teacher – Support Teacher) ، ذلك الصائغ المنوط به سمط اللآلي واستخراج الجواهر من ذوي الاحتياجات الخاصة.

الشخص الذي يُمثل همزة الوصل بين الطلاب من أصحاب الهمم وبخاصة المصابين باضطراب التوحد

أولئك الذين لا يُشبهون أقرانهم لما ابتلاهم الله به، حريٌّ بنا أن نفتح لهم الأبواب ونُعمد لهم الدروب،

فلا يعنى كونهم من أصحاب الهمم أن يُهمَشوا أو يُغيبوا، فهم في لُجَّة الحياة يحملون أحلاماً تحتاج فقط لمن يُكيِّفها بما يتناسب مع ما فيهم من فروقات لا يد لهم فيها.

وبين معلم الفصل من ناحية والأسرة من ناحية أخرى

فقد أنتشر خلال العشر سنوات الماضية مصطلح ” شادو تيتشر ” كوظيفة فى المدارس

يا ترى ايه قصة الشادو تيتشر؟؟؟

هبدأ المقال بقصة عشت تفاصيلها مع أم جميلة من ٦ سنوات

لما جاتلى فى المكتب لتقييم طفلها و أنا بتناقش معاها فى التفاصيل

قالت لى أن ابنها عنده shadow teacher فى المدرسة و دا كان شرط المدرسة لاستمرار ابنها لأنه غير قادر على مواكبة الحياة فى المدرسة و التفاعل مع المدرسين و زملائه لوحده

دى كانت أول مرة أعرف فيها عن تفاصيل هذه المهنة لما سألتها عن دور الشادو تيتشر مع ابنها

قالتلى أن دورها تساعده و تراجع وراه و يكون عينيها عليه وعلى سلوكه و تتدخل لو فى مشكلة و تساعده لو مفهمش حاجة اثتاء الحصة او أتعطل فى حاجة الأم

 كانت بتتكلم بألم و حيرة لأنها حاسة أن الموضوع فى لوى دراع من المدرسة و بيزنس

لأن الشادو تيتشر اللى تم ترشيحها قريبة صاحبة المدرسة و بيأخدوا مصروفات اضافية لسماح بوجودها فى الفصل

ودا طبعا غير مرتبها الشهرى الأم و الطفل بدأوا معايا برنامج استمر حوالى سنة لتدريب و المتابعة شمل مهارات قراءة و كتابة و تركيز و توجيه

 و اشترك الأبن فى ورش كتير معايا فى الصيف و الأم حضرت معظم المحاضرات و البرامج الخاصة بالأمهات

حقيقى بعتبرها أحد النماذج الجميلة للأمهات فى تحدى نفسها و قدراتها و أرادتها فى مساندة طفلها و دعمه و لما زادت شكوتها من الشادو تيتشر

طلبت أقابلها عشان أفهم طبيعة شخصيتها و أقيم مهاراتها و أقولها ازاى تمشى مع الطفل بنفس الاسلوب اللى ماشى بيه معايا لى البرنامج الخاص

 بدعم تشتت الانتباه و عسر القراءة خصوصا بعد وجود تقدم ملحوظ فى مهارات التركيز و القراءة و التفاعل الأجتماعى مع الأخرين

وجاء يوم المقابلة : فتاة خريجة جديدة شهادتها الحامعية ليس لها أى علاقة بصعوبات التعلم أو الأطفال … تحليل مضمون كلامها

أنها وظيفة مؤقته بالنسبة لها مكسب مادى مرتب لم أجد شغف وعلم و لا خبرة و لا حب لطفل اللى بتتعامل معاه النتيجة:

نصحت الأم أننا نكمل برنامجنا و تتطلب من المدرسة تقييم لتقدمه فى المهارات و التحصيل الدراسى

اشتغلت الأم بأجتهاد تغير طريقة تعاملها مع الطفل و تعرضه لخبرات مختلفة و فعلا تحقق الهدف

و قدرت الأم تقنع المدرسة أن ابنها مش محتاج خلاص شادو تيتشر و الحمد لله ابنها بقى أفضل و معتمد على نفسه أكتر فى دراسته و حياته

و تخلصت من بيزنس المدرسة و الشادو تيتشر اللى يتسترزق بمنطق شغلانه ترانزيت و السلام مسلسل خلى بالك من زيزى

ورانا نماذج من الشادو تيتشر مع الطفلة تيتو محور القصة فى المسلسل… أول واحد ضعيف الشخصية

و الثانية: وظيفة و السلام و طبعا للأحداث الدرامية نجحت البطل زيزى تكون شادو لتيتو لأنها زيها ADHD

طب هل معنى كلامى دا أن الشادو تيتشر الناجح هو اللى يكون عنده نفس صعوبة الطفل عشان يعرف يفهمه و يتعامل معاه؟؟

هل أى حد يقبل يقعد من الطفل و يقبل الشغلانةً يبقى اسمه شادو تيتشر مؤهل ؟؟

الأجابة : أكيد لأ فى ٣ أسئلة مهمة محتاجين نعرفها عن الشادو تيتشر عشان الأم لا تقع فريسة الاستغلال

ما هى مؤهلات هذه الوظيفة؟ امتى الطفل يحتاج شادو تيتشر ؟ ما هى مهام الشادو تيتشر؟

مؤهلات الشادو تيتشر: دارس لكل أنواع صعوبات التعلم و تشخيصها

دارس لجانب نفسى خاص بالطفل فى مراحل العمر الأولى

دارس لطرق التعلم و التدريب المتطورة و الغير تقليدية Leaning difficulties+ child psychology + learning development skills دول الثلاث مجالات لدراسته و خبرته

 و بيكون دوره التعامل مع الطفل اللى عنده صعوبة و مساعدته وسط فصل فيه أطفال ليس لديهم نفس التحدى

امتى الطفل يحتاج شادو تيتشر ؟؟

الطفل اللى تم تشخيصه أن عنده توحد أو بعض سماته

حالات فرط الحركةو التشتت الشديدة

أطفال لديهم عسر قراءة و كتابة شديدة مصحوب بتشتت انتباه

ما هى مهام الشادو تيتشر ؟ –

تبسيط المعلومات و الشرح أثناء الحصة فى حالة وجود أمر معقد أو غير واضح

مراقبة سلوك الطفل و توجيهه

تعويد الطفل الأعتماد التدريجى على نفسه

مساعدته على التفاعل الأجتماعى مع اقرانه و معرفة سلوكيات التفاعل مع مجموعة غير أسرته

التواصل مع أهل الطفل و نقل صورة أمينة عن ما يحدث فى الفصل و تطور سلوكيات و مهارات الطفل

أختم بسؤال مهم عند كتير من الأمهات اللى عندهم نفس الظروف هل الطفل هيفضل طول عمره محتاج لشادو تيتشر ؟؟

دور الشادو تيتشر بيكون مهم و له تأثير فى مرحلة الحضانة و ابتدائى و فى حالة التحسن مع كتير من الأطفال اللى أهلهم بيشتغلوا معاهم على تنمية مهاراتهم و خبراتهم الشخصية فى الحياة

ممكن الاستغناء عن الشادو تيتشر فى أواخر مرحلة ابتدائى أو بداية مرحلة إعدادي محتاجين نفهم

و نتعلم عشان نقدر نساعدهم انا مع كل أم و أب عايزين يفهموا و يتعلموا عشان يساعدوا أولادهم