admin 
قصيدة صاحب السمو الأميرالشاعر / عبدالعزيز بن سعود بن محمد آل سعود الملقب بـ”السامر”
بالأمير بصاحب السمو الآمير / سلطان بن محمد وبما عرف عن سموه من حكمة وبعد نظر
فقال سمو ه هذا النص الابداعي …
سلطان خـالي
امجار من جور الليالي والايام
يا عز راسي يا ذرانا من الجور
الطيب لك والعز عام ٍ ورا عام
يا منتهى الحكمة ويا منبع الشور
عزك يدوم وطيب راسك لنا دام
وعدوك اللي طول الايام معثور
وانا احمد اللي سلمك درع وحزام
سلمك رب البيت من كل محذور
سلطان خالي يا ذرا كل منضام
علم ٍ خفي وظاهر العلم مخبور
مواقفٍ تشهد بها كل الآنام
كلٍ بشوفك في ثرى نجد مسرور
تسعة شهور روحها فعلك التام
مرافقٍ بندر وجت لك على النور
ما نامت عيونك إلى صار ما نام
ياخو السعد لك بالوفا والوصل دور
ما خبر مثلك بالوفا لو بالاحلام
من ماكرٍ عشه على عالي القور
تخامر طيور الفضا كل ما حام
حرٍ مجاني حر والراس مسطور
